أبو هاجوووس
20-Oct-2006, 05:19 PM
في صبح من الصبابيح . . وبينما أشعة الشمس متسدحة على خشيشيتي . . حلق الدماغ للافق المتمغط المتشحط . . وبدأ شريط الافكار التخلفية بسريان بغرفة البث بالعقل الباطن على جمجمتي من داخل الي كنها جدار مقصف . . وبينما انا مستلهم بسعابيل الاستنتاجات والذباب الازرق والبنفسجي يتخاطف مااعجنه من دلاخة . . طرأت وربي انها قوية هههههه . . طرأت علي فعل تجربة زحفية . . فقررت ان انفذها دون تردد دزيت التيربوا للحوش وقمت اتسحب واقرب شوي شوي من السواق ويوم انه عطاني غرته الي تقول خشم كدلك مغرزة . . نتفت كومة شعر كن لونها أزرق فسفوري . . قام يصارخ ولقط عصى المكنسة وانفلت وراي . . المهم بعد مادامت المطاردة لـ 1 ونص وبعد ما طاح بنقطة التفتيش بحارة الاندر تيكر . . الي ان شافه ما هو فاكه رجعت للبيت ومعي هالنتفة الي صارت صفرى من شدات المطاردة . . وانا أخذ هالنتفة الي تقول سلك مواعين بمطبخ مطعم معزل من سنتين واحطها داخل النجر وادهر دق الين صارت نتفة هالشوشة ملح . . الوكاااد ياطويلين الخشوم . . خميت قنينة الكرولكس ) وربي قوية قنينة !! ) . . وانا اخمها وافضيها بطاسة كبيرة . . وبدى الالهام . . لقطت سم الفيران ودفيت بالطاسة بزطتين . . ( ترا مايعرف وش معنى بزة ههه . . ) وخميت الديتول وحطيت بالطاسة غطوين . . وملعقتين اومو . . وكوبين درمر. . ورشة سماد كيماوي . . وقارورة شطة صلاحيتها منتهية عاد ياخوياياي . . أليييني صدقت ان هالمحلول قوي يوم كبيت قطرات منه على البلاط . . اليييني صدقت من ذيك الفقاقيع السودة ان هالمخلوط ملعون جد يوم حسيت الطاسة تبي تسيح من الحرارة . . عاد بدت المرحلة الثانية من العملية . . طلعت لغرفتي بعد ما خليت هالمحلول يتفاعل مع أشعة الشمس وطلعت كرتون الابر الي لطشته من سنتين يوم اني زرت خويي المتفقع خشمه بالمستشفى . . سحبت لي كم ابرة ونزلت . . وانا نازل الا مقابلني هالي ما يطيقيني بعيشة الله بوجهي . . وش عندك يالافدغ جالس تناقز على هالصبح . . لا ابد بابا انا جالس ألعب رياضة . . يا وليدي انا داري وراك بلا ماتصحى بالفجور الا وانت ناوي تسوي لك مصيبة . . لا تطمن بابا انا دايم مؤدب واحب الناس كلهم والناس كلهم يحبوني . . أيه هين يجيني علمك يالمتخلف يجيني علمك على الظهر ما عليه . . ول يييييييي ـه تقول مركب جرس انذار . . وش مصحيه بهالوقت انا مدري . . المهم تابعت المهمة . . . ورحت للحوش وعبيت كل الابر بالمحلول الفتاك أستعدادا للهجوم ثلاثي المحاور ( دوروا له احد يدخله الكلية الحربية ) . . وبعد ما لبست القفازات الزهرية . . بدى الاجتياح دخلت المطبخ . . ولقيت العدو . . يتشمس على القزاز . . ياعمري عليه . . تزاوج على اصوله . . ملاهي . . بزارين يطيرون بكل مكان . . عجايز تتقضى من على هالصحون . . شيبان مكوعين بزوايا الشباك . . ياعمري عليهم . . مستانسين خخخخخخخخ بدى الهجوم المباغت بجريدة عوكاااظ جريدة المصايب وخذ وعطي ومنين يوجعك . . ما خليت ذبانه بها عظمة صاحية . . جمعته كلهم بكيس نايلون ابيض عشان البصمات . . وطلعت بهم الحوش عشان يكون فيه اكسوجين لبداية العملية الجراحية فردت الكيس . . وصرت أشوف كل ذبانة معطتني مقفاه . . وبدبت ابطهم بهالابرة . . ابط وابط وادف من هالمحلول بنخاعهم الشوكي . . الين ما هالمحلول يطلع مع خراطيمهم . . ما فيه امل . . يتبكبكون . . يصيحون . . عز الله ما هم معينين خير ما دامهم بهالكيس . . فيه ذبانه هذا كبرها زرقى تقول تكروني مقرفص . . مخليها للاخير ومخلي لها ابرة على جنب . . المهم بعد هالمجزرة الطاحنة . . تفقعوا كلهم . . وما بقي الا الذبان أباتشي الزرقى...عاد جا وقت المخمخة والترويق سحبت الابرة العودة . . وجيت ابطها الا وهي تناقز الملعونه . . كل ما حست بقفاها يبي ينبط . . نقزت لمكان . . الوكاد اني ثبتها باصابعي وجيت بابطها . . ومن حرصي شديتها زين باصابعي . . الموووهم يوم اني بطيتها تحمست شوي وابط اصبعي وانا جالس ادز بهالمحلول . . ماتت الذبانة الزرقة . . وانا تقول اني جتني دوخة . . وجيتكم محضر ماشي مليون وما فصل الاتصال عندي بالدنيا الا يوم لصقت خشتي بالبلاط بعد يوم فتحت عيوني . . الا وهالفطسى تقول انها فلبينية . . تقولي كيف هاللل انتا . . انتا امس كتير تعبان كلام واجد هذا دودة اسود يتير . . يا ملعونة الخير وين انا . . عسى ما تكوني ذبانة . . شوي والا معها ابرة تبي تبطني فيها . . وخويكم شاف الابرة من هنا وعرف انه بقلعة ذبان متنكر . . شغلت التيربوا . . وسحب جلنطات مع هالممرات . . وعكسيات لا صارت الممرات زحمة . . . وشتلات استعراض من عند الكونترات . . وتنزيل وشغل واكي . . المهم بعد ما طلعت من قلعة الذبان . . لقيت ابوي بخشتي . . اشوا اني ما طفيت غرف الاشتعال . . وانا ادز التيربوا للمواقف . . وهو وراي بالعقال . . وانا ادز التيربوا بين الحواري . . وهو وراي . . وانا ادز روحي بحفرة كيبلات . . ويحضر راسي بين كيبلين . . ويجي الدز الصاحي من هالعقال الي تقول كفرات وايت . . وادهر هالشايب دز بهالعقال الين ما خلاني النمر البنفسجي اييييييييييه
تقول بووسينا يا مناااحيوو اين نحنووو . . . . فيرد الافدغووو واما ادراني ياكبيرة السدغوو
تقول بووسينا يا مناااحيوو اين نحنووو . . . . فيرد الافدغووو واما ادراني ياكبيرة السدغوو